కాలేయం మానవుని శరీరంలోని అతి పెద్ద గ్రంథి. ఇది ఉదరంలో ఉదరవితానానికి (డయాఫ్రమ) క్రిందగా కుడివైపున మధ్యలో ఉంటుంది. కాలేయము పైత్యరసాన్ని తయారుచేస్తుంది. అది పిత్తాశయంలో నిలువచేయబడి జీర్ణక్రియలో చాలా తోడ్పడుతుంది. అయితే గుండె, కిడ్నీల ఆరోగ్యం గురించి ఎక్కువమంది మాట్లాడుకుంటారు. కాలేయం గురించి చర్చించరు. కానీ కాలేయాన్ని జాగ్రత్తగా కాపాడుకోవాల్సిన బాధ్యత ప్రతి ఒక్కరిపై ఉంది. కాలేయ ఆరోగ్యం ఒక్కసారి దెబ్బతింటే రికవరీ అవ్వడం చాలా కష్టం. అయితే కొన్ని పద్ధతులను పాటించి.. మీ లివర్ ఆరోగ్యంగా ఉండేలా చూసుకోండి.
క్రాన్ బెర్రీ జ్యూస్ కాలేయాన్ని శుభ్రపరచడానికి చాలా మంచిది. కావలసినవి.. నీరు, జాజికాయ, అల్లం, 3 నారింజ, 3 నిమ్మకాయలు. క్రాన్‌బెర్రీ జ్యూస్‌లో 3 కప్పుల నీరు వేసి, ఇప్పుడు 1/2 చెంచా అల్లం పొడి, 1/2 చెంచా జాజికాయ వేసి ఉడికించాలి. 20 నిమిషాలు తక్కువ మంటలో ఇలా చేయాలి. చల్లబరచడానికి గది ఉష్ణోగ్రత వద్ద ఉంచండి. ఇప్పుడు క్రాన్‌బెర్రీ జ్యూస్‌లో 3 నారింజ పళ్లు, 3 స్క్వీజ్‌ల నిమ్మరసం, అవసరమైతే కాస్త నేచురల్ స్వీటెనర్ జోడించండి. రోజంతా ఈ పానీయం తాగండి.
మీరు ప్రాసెస్ చేసిన ఆహారాలకు దూరంగా ఉండాలి. ప్రాసెస్ చేసిన ఆహారాలు కాలేయ ఆరోగ్యానికి మంచిది కాదు. ప్రాసెస్ చేసిన ఆహారాలకు బదులుగా పండ్లు, నట్స్, క్యారెట్ వంటి ఆహారాన్ని తినండి. కాలేయాన్ని శుభ్రపరిచే టీని తయారు చేసి తాగండి. నీళ్లు 2 కప్పులు, నిమ్మకాయ 1, టేబుల్ స్పూన్ తురిమిన అల్లం నీరు మరిగించి, అందులో అల్లం వేసి కాసేపు మరిగించి, వడకట్టి నిమ్మరసం తాగాలి.
కాలేయ ఆరోగ్యానికి ఈ టీ చాలా మంచిది. పొటాషియం సమృద్ధిగా ఉన్న ఆహారాలతో శుభ్రం చేసుకోండి. చిలగడదుంప, టొమాటో సాస్, పచ్చి బఠానీలు, పాలక్ వంటి ఆహారాలను తీసుకోండి. కాలేయ ఆరోగ్యాన్నిమెరుగుపరచడంలో కాఫీ కూడా సహాయపడుతుంది. రోజూ కాఫీ తాగడం వల్ల కాలేయం ఆరోగ్యానికి చాలా మంచిది. అయితే రెండు కప్పుల కంటే ఎక్కువ కాఫీ తాగకూడదు.
