అందం, అభినయం, డ్యాన్స్.. ఇలా ప్రతీ ఒక్క విషయంలో తనకు తానే సాటి.. నాకెవరూ రాలేరు పోటీ అని చెప్పకనే చెబుతోంది శ్రీలీల. తొలి ప్రాజెక్ట్‌తోనే అగ్రదర్శకనిర్మాతల ఫోకస్‌ అంతా తనవైపునకు తిప్పేసుకుంది శ్రీలీల. ఈ ఏడాది మాస్‌ డైరెక్టర్‌ బోయపాటి శ్రీను, ఎనర్జిటిక్‌ హీరో రామ్‌ కాంబోలో వచ్చిన స్కందలో మరోసారి ఇరగదీసింది. రీసెంట్‌గా బాలకృష్ణ టైటిల్‌ పోషించిన భగవంత్‌ కేసరిలో స్పెషల్‌ అట్రాక్షన్‌గా నిలిచింది. అయితే ఇక అది అలా ఉంటే..శ్రీలీల రెమ్యూనరేషన్ గురించి ఓ వార్త సోషల్ మీడియాలో వైరల్‌గా మారింది.
ఆమె ఏవైనా కమర్షియల్ ప్రమోషనల్ ఈవెంట్స్‌లో పాల్గోంటే భారీగా ఛార్జ్ చేస్తారట. శ్రీలీల ఒక ఈవెంట్లో పాల్గోంటే.. గంటకు 10 నుంచి 12 లక్షల వరకు డిమాండ్ చేస్తారట. చూడాలి మరి ఈ వార్తల్లో నిజం ఎంతో.ఇక శ్రీలీల నటిస్తోన్న ఇతర సినిమాల విషయానికి వస్తే.. ఈ భామకు మరో అవకాశం వచ్చినట్లు తెలుస్తోంది. విషయంలోకి వస్తే.. శ్రీలీలకు ప్రభాస్ సరసన నటించే అవకాశం వచ్చిందని సమాచారం.
ప్రభాస్ ప్రస్తుతం కల్కీ అనే ఓ ఫాంటసీ, యాక్షన్ మూవీలో నటిస్తున్నారు. ఈ సినిమా శరవేగంగా చిత్రీకరణ జరుపుకుంటోంది. నాగ్ అశ్విన్ దర్శకుడు ఈ సినిమా తర్వాత ప్రభాస్ ఓ లవ్ స్టోరీ చేస్తున్నట్లు తెలుస్తోంది. ఈ సినిమాకు హను రాఘవపూడి దర్శకత్వం వహించనున్నారట. ప్యాన్ ఇండియా స్థాయిలో భారీగా వస్తోన్న ఈ చిత్రాన్ని మైత్రీ మూవీ మేకర్స్ నిర్మించనుంది. అయితే ఈ సినిమాలో శ్రీలీలకు అవకాశం వచ్చినట్లు తెలుస్తోంది. ఈ విషయంలో త్వరలో ఓ ప్రకటన విడుదలకానుందని సమాచారం.. ఇక్కడ మరో రూమర్ ఏమంటే ఈ సినిమా కోసం శ్రీలీల ఓ ఇద్దరి హీరోల సినిమాలను వదులకుందని సోషల్ మీడియాలో టాక్ నడుస్తోంది.
