టీ లేదా కాఫీ తాగగానే రీఫ్రెష్ అయినట్లు భావిస్తారు. తెలియని శక్తి వచ్చినట్లుగా కూడా చాలా మంది అనుభూతి చెందుతారు. అయితే టీ, కాఫీలు ఆరోగ్యానికి మంచిది కాదు. ఇందులో ఉండే కెఫిన్ అనేక సమస్యలను తెచ్చి పెడుతుంది. అయితే ప్రపంచంలోని బిలియన్ల మంది ఉదయాన్నే ఒక కప్పు టీ లేదా కాఫీ తాగే వారి రోజును ప్రారంభిస్తారు. ఈ వేడి వేడి పానీయాలను ఇష్టపడే వారికి కొరతే లేదు. అయితే, టీ-కాఫీ మన ఆరోగ్యానికి మంచిది కాదు. ఎందుకంటే ఇందులో కెఫిన్ ఉంటుంది.
ఇవి శరీరానికి అనేక సమస్యలను కలిగిస్తాయి. ఈ డ్రింక్ ను కొద్దిరోజులు వదిలేయండి అని చెబితే.. ఎవ్వరూ వినరు.. ఇంకా అసాధ్యం కూడానూ.. ఎందుకంటే ఇది వ్యసనంగా మారింది. రక్తపోటుపై నియంత్రణ.. టీ – కాఫీ మనకు అలసట నుంచి ఉపశమనం కలిగిస్తాయి. కానీ.. ఇవి రక్తపోటును పెంచుతాయి. ఈ పానీయాలలో కెఫిన్ ఉంటుంది, కాబట్టి మీరు టీ-కాఫీని ఒక నెల పాటు తాగడం మానేస్తే మీ రక్తపోటు నియంత్రణలోకి వస్తుంది. ఇంకా అధిక బీపీ ఫిర్యాదు కూడా పోతుంది. ప్రశాంతమైన నిద్ర.. టీ – కాఫీ మానేయడం వల్ల మీ నిద్రపై సానుకూల ప్రభావం చూపుతుంది.
మీరు మీ బాల్యంలో ఎంతసేపు నిద్రపోయారు.. పెద్దయ్యాక ఎంతసేపు నిద్రపోయారో ఒక్కసారి గుర్తుకు తెచ్చుకోండి.. కెఫిన్ పానీయాలకు అలవాటు పడిన తర్వాత నిద్రలో సమస్యలు మొదలయ్యాయి. టీ -కాఫీని మానేసిన వారంలో మీ నిద్రలో అద్భుతమైన మెరుగుదలని చూస్తారు. ఒక నెలలో మీరు పెద్ద వ్యత్యాసమే వస్తుందంటున్నారు ఆరోగ్య నిపుణులు. పళ్ళ ఆరోగ్యం.. టీ-కాఫీ వంటి వేడి పదార్థాలు మన దంతాలకు చాలా హానికరం. ఇది వాటి రంగును తీసివేయడమే కాకుండా, వాటిని బలహీనపరుస్తాయి. మీరు ఒక నెల పాటు టీ -కాఫీ తాగడం మానేస్తే, మీరు మీ దంతాలకు పెద్ద నష్టం నుంచి రక్షించుకోవచ్చు. ఇంకా తెల్లదనం కూడా వస్తుంది. టీ-కాఫీలో ఆమ్లం ఉంటుంది. ఇది దంతాల ఎనామిల్‌ను దెబ్బతీయడంతోపాటు బలహీనపరుస్తుంది.
