భర్తతో విడాకుల తర్వాత నిహారిక ఏ మాత్రం బాధపడకుండా తన లైఫ్ ను లీడ్ చేస్తుంది. ట్రిప్స్ తిరుగుతూ.. హాట్ హాట్ ఫోటోల్ని కూడా షేర్ చేస్తూ వచ్చింది. అయితే ఇప్పుడు తాజాగా నిహారిక మాజీ భర్త జొన్నలగడ్డ చైతన్యకు సంబంధించిన ఓ వార్త తెరపైకి వచ్చింది. అయితే చైతన్య జొన్నలగడ్డతో ఆమె వివాహం 2020 లో ఘనంగా జరిపించారు మెగా ఫ్యామిలీ. ఇక ఈ జంట రెండేళ్లు ఎంతో హ్యాపీగా కనిపించారు. ఆ తరువాత వీరి మధ్య విబేధాలు తలెత్తినట్లు సమాచారం.
దీంతోనే గతేడాది చివర్లో వీరు డివోర్స్ కు అప్లై చేయగా .. ఈ ఏడాది వారికి విడాకులు మంజూరు అవ్వడం, నిహారిక, చైతన్య తాము విడిపోతున్నట్లు ప్రకటించడం జరిగాయి. ఇక విడాకుల తరువాత నిహారిక.. కొంత గ్యాప్ తీసుకొని తన కెరీర్ వైపు అడుగులు వేస్తోంది. ఇంకోపక్క చైతన్య.. డిప్రెషన్ లోకి వెళ్లడం వలన.. కొన్ని ఆశ్రమాలు తిరిగి కొంతవరకు కోలుకొని ఇప్పుడిప్పుడే బయటకు వస్తున్నాడు. ఇక అందుతున్న సమాచారం ప్రకారం చైతన్య జొన్నలగడ్డ రెండో పెళ్ళికి సిద్ధమయినట్లు వార్తలు వినిపిస్తున్నాయి.
చైతన్య తల్లిదండ్రులు.. వారి కుటుంబంలోనే అతనికి వరుస అయ్యే అమ్మాయిని వెతికారట. తన ఫ్యామిలీ అత్యంత సన్నిహితంగా ఉన్న ఓ ఐపీఎస్‌ అధికారి కూతురితో చైతన్య రెండో పెళ్లి జరుగబోతుందట. ఇందుకు చైతన్య కూడా అంగీకరించాడట. అన్ని చక్కగా కుదిరితే.. అతి తక్కువ బంధుమిత్రుల సమక్షంలో ఈ పెళ్లి జరగనుందని తెలుస్తోంది. మరి ఇందులో నిజమెంత అనేది తెలియాల్సి ఉంది.
