ప్రతి అబ్బాయితమకు కాబోయే భార్యలో కొన్ని క్వాలిటీస్ ఉండాలని కోరుకుంటారు. కొందరు ఎత్తుగా ఉన్న అమ్మాయి కావాలనుకుంటే, మరికొందరు సన్నగా, నాజూగ్గా ఉన్న అమ్మాయి కావాలని కోరుకుంటారు. మంచి రంగు, అందమైన నవ్వు, ముఖంలో కళ… ఇలా ఎన్నెన్నో కోరికల జాబితా ఉంటుంది. అయితే పెళ్లి విషయంలో ప్రతి యువతి, యువకుడు చాలా జాగ్రత్తలు తీసుకుంటారు. మంచి లక్షణాలు ఉన్న భాగస్వాములు దొరికితే వారి జీవితం నిజంగా స్వర్గంలా మారుతుంది. అందుకే పెళ్లి చేసుకునే ముందు ఎప్పుడూ తొందరపడొద్దని పెద్దలు చెబుతుంటారు.
ఇద్దరి స్వభావాన్ని బట్టి ముందుకు..భవిష్యత్ జీవితం భార్యాభర్తల మనస్తత్వాన్ని బట్టి ఉంటుంది. ఇద్దరు వ్యక్తులు ఒకరి మాటలను, భావాలను మరొకరు అర్థం చేసుకుంటే.. వారి జీవితం ఎల్లప్పుడూ సంతోషకరంగా ఉంటుంది. అయితే, జీవిత భాగస్వామిని ఎన్నుకునే ముందు అనేక విషయాలను గుర్తుంచుకోవాలి. అప్పుడే మీరు మీ వైవాహిక జీవితాన్ని సక్సెస్‌ఫుల్‌గా రన్ చేయగలుగుతారు. మరి అమ్మాయిలకు ఎలాంటి లక్షణాలు ఉండాలో చూద్దాం. అత్యాశ వద్దు..మనస్సులో దురాశ లేని స్త్రీలు, వారి వైవాహిక జీవితం చాలా సంతోషంగా ఉంటుంది. ఎందుకంటే వారు ఉన్నదాంట్లో సంతృప్తి చెందుతారు.
ఉన్నదాంట్లోనే సంతోషాన్ని వెతుక్కుంటారు. వారు ఎక్కువగా ఏదీ కోరుకోరు. కోరికలు ఎంత తక్కువగా ఉంటే.. జీవిత ప్రయాణం అంత అద్భుతంగా ఉంటుంది. ఆధ్యాత్మిక భావన ఉండాలి.. స్త్రీ లో ఆధ్యాత్మిక భావన ఉండాలి. మత సంప్రదాయాలను పాటిస్తే ఇంట్లో ఎల్లప్పుడూ శాంతి, ఆనందం వెల్లివిరుస్తుంది. ఇలాంటి స్త్రీ లు తమ భర్త, అత్తమామల పట్ల అగౌరవంగా ప్రవర్తించరు. ఇలాంటి స్త్రీలు భార్యలుగా వచ్చిన ఇంట్లో ఎల్లప్పుడూ ఆనందమే ఉంటుంది. మంచి అలవాట్లు..స్త్రీలు సత్ప్రవర్తన కలిగి ఉంటే.. వారు జీవితాన్ని ముందుకు నడిపించగల అవగాహన కలిగి ఉంటారు.
అంతర్గత గుణాలు కలిగిన స్త్రీలు తమ భర్తకు అదృష్టాన్ని చేకూరుస్తారు. భర్తను ప్రతి విషయంలో అర్థం చేసుకోవాలి..పెళ్లి తరువాత భర్తను అర్థం చేసుకుని, అన్నింట్లో సహకారం అందించే మహిళ భార్యగా రావడం అంటే చాలా అదృష్టం. అలాంటి స్త్రీలు వైవాహిక జీవితానికి చాలా అదృష్టవంతులుగా, జీవితాన్ని ఆనందమయం చేసేవారిగా భావిస్తారు. బ్యాలెన్సర్‌గా ఉండాలి..పెళ్లయిన తర్వాత అత్తమామల ఆర్థిక, కుటుంబ స్థితిగతులను సమతుల్యం చేసుకునే మహిళలు ఎప్పుడూ సమస్యలను రానివ్వరు. ఇలాంటి స్త్రీలు తమ ఇంటిని స్వర్గంలా మార్చేస్తారు.
