వీకెండ్ అంటే నాగ్ ఎంట్రీతో పాటుగా ఎలిమినేషన్ కూడా ఉండటంతో ఈ ఎపిసోడ్ పై జనాలు ఆసక్తి చూపిస్తుంటారు. అయితే గత ఆరు వారాల్లో ఆరుగురు మహిళా కంటెస్టెంట్లు ఎలిమినేట్ అయ్యారు. అయితే బిగ్ బాస్ హౌస్‌ హాలులో.. ఓ చైన్ ఉంటుందని.. బజర్ మోగగానే.. గులాబి పురంలోని సభ్యులు ఎవరైతే ముందుగా ఆ చైన్ పట్టుకుంటారో.. వాళ్లు.. తమకు నచ్చని వ్యక్తిని సరైన కారణం చెప్పి కెప్టెన్సీ కంటెండర్స్ నుంచి తప్పించాలని టాస్క్‌లో భాగంగా ఆదేశిస్తాడు. అందుకోసం వారి ఫోటోను సిమ్మింగ్ పూల్లో పడేయాలని సూచిస్తాడు.
ఇక బజర్ మోగగానే మొదట చైన్ పట్టిన శోభ… కొత్తగా వచ్చిందనే కారణంతో.. అశ్విన ఫోటోను సిమ్మింగ్ పూల్లో పడేస్తుంది. అంటే.. కెప్టెన్సీ కంటెడర్‌గా ఆమెను తొలిగిస్తుంది. ప్రియాంకనే కెప్టెన్ అవ్వాలని బలంగా కోరుకుంటుంది కాబట్టి.. తేజతో కలిసి ఆ దిశగా ప్రయత్నాలు చేస్తుంది. ఇక ఆ తరువాత చైన్ పట్టుకున్న అమర్.. దెబ్బకు దెబ్బ అన్నట్టు శివాజీని నామినేట్ చేసి.. కెప్టెన్ కంటెండర్ నుంచి తొలగిస్తాడు. ఎందుకంటే… శివాజీ పెద్దమనిషిగా కెప్టెన్సీ టాస్క్‌లో ఉన్నాడే కానీ.. ఆడలేదని నిక్కచ్చిగా చెబుతాడు. అందుకు శివాజీ విపరీతంగా హర్ట్ అవుతాడు.
ఆ తరువాతే అసలు మాటల యుద్ధాన్ని మొదలెడతాడు. ఇలా అయితే ఈ హౌస్‌లో ఉండలేనంటూ.. మైక్ తీసి మరీ తన అసహనాన్ని వెల్లగక్కుతాడు. అమర్ కూడా ఏ మాత్రం తగ్గకుండా.. తన పని తాను చేసేస్తాడు. శివాజీ ఫోటోను పూల్లో పడేస్తాడు. తర్వాత పక్కనే కూర్చుని గులుగుతున్న శివాజీకి మరో సారి తన రీజన్ ఏంటో క్లియర్గా చెబుతాడు. అయితే అంతకు ముందు.. కెప్టెన్సీ కంటెడర్స్‌ టాస్క్‌లో.. పెద్ద మనిషిగా ఉన్న శివాజీకి.. కెప్టెన్సీ కంటెండర్ అవడానికి ఓ అవకాశం ఇస్తాడు. అందుకోసం విన్నర్ జిలేబిపురం టీంలోని ఓ సభ్యునితో స్వాప్ చేసుకోవాలని చెబుతాడు.
అందుకు భోళ.. వాలెంటీర్‌గా ముందుకొచ్చి.. తన సభ్యత్వాన్ని శివాజీకి ఇస్తాడు. అలా శివాజీ కెప్టెన్ కంటెండర్ అయి.. అమర్ చేతిలో చిక్కి.. నామినేట్ అయిపోతాడు. ఇక ఆ తరువాత బిగ్ బాస్ కన్ఫెషన్ రూమ్‌కు వెళ్లిన శివాజీ.. బిగ్ బాస్‌తో తన బాధను చెప్పకుంటూ బావురుమంటాడు. చేయి బాగా నొప్పిగా ఉందని.. పైకి మాత్రమే నలుగురిలో నవ్వుకుంటూ ఉంటున్నా అంటూ.. కన్నీళ్లు పెట్టుకుంటాడు. అందరూ గేమ్ ఆడలేకపోతున్నావంటే బాధగా ఉందని అంటాడు. తాను బయటికి వెళితే తన బదులు ఇంకొకరు హౌస్‌లో ఉండేవాళ్లుగా అని వాళ్లు చెబుతున్న మాట.. తనకు కూడా నిజమే అనిపిస్తుందని బిగ్ బాస్‌తో బాధగా చెబుతాడు శివాజీ. దీనికి బిగ్ బాస్.. మరో సారి ఆసుపత్రికి తీసుకెళతామని మెరుగైన వైధ్యం చేపిస్తామన చెప్పి హౌస్‌లోకి పంపిస్తాడు.
